روبوتات جوجل قنبلة موقوته إن أسأت استخدامها كمنشئ محتوي

الكاتب : Null
357 مشاهده

روبوتات جوجل ماذا تعرف عنها !!!


طبعآ كلنا سمعنا عن روبوتات جوجل او العناكب. احنا بنسميها في عالم الاختراق “سفير جهنم” لانها سلاح ذو حدين.

الروبوتات دي وظيفتها انها تبحث في المحتوي وتخرج منه ببيانات تأرشفها في قواعد بيانات جوجل علشان لما حد يبحث عن المحتوي اللي يخصك ” قناة – موقع” يقدر يوصل لك.

بمعني تاني النتائج اللي بتظهر في جوجل ليست نتائج موقعك ولكنها النتائج المؤرشفه في قواعد البيانات.

روبوتات جوجل


طيب احنا ليه بنسميها سفير جهنم !!!

الروبوتات دي مهمه جدآ ولكنها في نفس الوقت كارثية لو أسأت استخدامها أو توظيفها.

في فيديو اليوتيوب لو استخدمت وصف او وسوم وهمية Tags » الروبوتات دي بتبلغ عنك وتلاقي الفيديو بتاعك محذوف من ادارة اليوتيوب. لانك كده بتغش المشاهدين وبتغش المعلنين اللي اعلاناتهم بتظهر بالغلط علي الفيديو بتاعك.

وفي المواقع لو اعطيت الروبوتات صلاحيات أكبر من صلاحياتها ووثقت بها أكثر من اللزم بتفضحك في محركات البحث وبتكون ضحيه سهله للمخترقين عن طريق مايسمي بـ Dork Attack

بمعني تاني الروبوتات بتأرشف اللي انت مش عاوز تأرشفة زي أدلة الملفات Index او صور شخصية انت محملها علي الموقع ” ودي كتيره جدآ للأسف” ومش عاوز حد يشوفها غيرك.

اللي بيحصل هو بالظبط اللي بتشوفه في الصورة.

روبوتات جوجل

روبوتات جوجل


طيب والحل :

الحل انك تستخدم اشارات مرور زي ملف htaccess

الملف ده بيقول للروبوتات تشوف ايه وماتشوفش ايه. وده بنعمله في المواقع, وغالبآ البارتنرشيب في قنوات اليوتيوب بيخدعك ويقول لك انه بيعمل كده ولكن ده مابيحصلش.

البارتنرشيب أحيانآ بيعمل اختبار علي محتوي الصوت والفيديو الغير أصلي قبل ما الروبوتات تكتشفه فبيضمن لك ان الفيديو بتاعك لا يُحذف بعد النشر بسبب حقوق الملكية , لكن ماعندوش اي صلاحيات انه يعمل اختبار علي الكلمات المفتاحية أو ارشادات المنتدي بصوره آلية لأنها خاصة بلوغاريتمات جوجل ومابيقدرش يوقفها زي ما ملفات الـ htaccess بتعمل  ” شاهد المثال التوضيحي بالصورة”


روبوتات جوجل

روبوتات جوجل


ولكن ده مايمنعش انه لولا الروبوتات لما كانت محركات البحث, ولولا أمن المعلومات لما كان الاختراق ^_^

موضوعات اخري قد تهُمك

Leave a Comment

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك، ولكن يمكنك الاعتراض إذا رغبت. موافق قراءة المزيد

Privacy & Cookies Policy