Matrix219 Home | وانا بادور علي مصر ,,, شفت العجب العُجاب في أرض الدهب والفقر
محمود إدريس

وانا بادور علي مصر ,,, شفت العجب العُجاب في أرض الدهب والفقر

وانا بادور علي مصر
وانا بادور علي مصر

وانا بادور علي .
شفت تمثال حسبي الله ونعم الوكيل, قابلت المنايفة وكانوا في قمة الكرم علي عكس ما بيتقال ان المنايفة بخلاء..
زرت الصعيد ارض الدهب والفقر. شفت مطاحن الدهب ومطاحن البشر.

وانا بادور علي مصر.
عديت علي كماين محدش قال لي فيها انت رايح فين. ,وزرت اماكن حكومتها أهلها وقانونها فوق كل قانون.
قابلت ناس لا اعرفها ولا تعرفني ورغم كده استضافتني واكرمتني واكلت من خير ارضها ولا سالوني حتي علي اسمي.

وانا بادور علي مصر.
طلعت الجبل, وسمعت حكاوي و اللي لسه لحد النهارده موجوده.
قعدت مع اعلي واقل رتب في البلد.
اكتشفت ان العقرب خاين وجبان وان التعلب صياد وان مافيش اكتر منها.
في المتهالك لاقيت جنب الاثار لسه موجوده, ولما دخلت متحف التمساح لاقيت التراب اكتر من المومياوات.

وانا بادور علي مصر.
زرت مقامات الاسياد وشفت اللي مؤمن بتباريك الاسياد اكتر من ايمانه بربنا.
اتصدقت في الجامع والكبارية وانا علي يقين ان الاعمال بالنيات حتي لو كفرني شيخ الجامع.

لو حتسالني العيب في الحكومة ولا الشعب, حاقول لك فكك وفكني من القصة الفاكسانة دي ” الحكومة من الشعب والشعب من الحكومة وان الله لا يغير ما بقوم حتي يغيروا ما بانفسهم”

الدكتور احمد عكاشة عليه رحمة الله لخص الشخصية المصرية في كتاب وجاب من الاخر ” تشريح الشخصية المصرية” تفاصيلة اكبر واكتر وأقيم من اني الخصها في بوست ولكن انصحك تقرأه.
اللي يقول لك قانون الجذب خدعه او هلاوس اوعي تصدقة, ولو عاوز تتأكد جرب. ولو مش عارف اقرأ كتاب الاسرار لـ ديباك شوبرا وكتاب السر لـ روندا بايرن.


أضف تعليق

انقر هنا لإضافة تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.