Matrix219 Home | ايه اللي خلاني امشي 160 كم/س علي طريق الجيش !!!
محمود إدريس

ايه اللي خلاني امشي 160 كم/س علي طريق الجيش !!!

طريق الجيش - الصحراوي الشرقي
طريق الجيش - الصحراوي الشرقي

في رحلتي الاخيرة لما مسكت اول من قنا, قررت كل ساعة اقول كلمتين عن الرحلة, شغل فلوجات بقي ويوتيوب, وأول كلمتين قلتهم كانوا في وصف الطريق, وان الطريق يشجع علي الجري, ولكن ما انصحش حد انه يعدي الـ 120

وفي أسيوط اكتشفت اني كنت ماشي 150/160 طول الطريق. وهنا كان ليا وقفة.
ايه اللي يخلي حد يمشي 160.

• الخوف من الماضي او الوحدة او الضلمة ممكن يخلينا نهرب لمجرد الهروب ويخليي الحياة بالنسبة لينا مالهاش قيمة لدرجة اننا نرتكب افعال غير مسئولة ممكن تأثر علي مستقبلنا وحياتنا.
زي اللي بيتجوز او تتجوز علشان تلحق قطر الجواز وينسي او تنسي ان الجواز رزق, وزي اللي بيقبل اي وظيفة حتي لو فيها شبهة حرام علشان خايف مايلاقيش ياكل وينسي برده ان الرزق ده بتاع ربنا.

• شغف الوصول ممكن يكون دافع انك تجازف بحاجات انت مش مدرك لقيمتها طالما في حيز الامتلاك, حتي لو كانت حياتك هي حاجه من الحاجات دي.
ونخلينا في مثل الجواز والشغل, البنت اللي بتتجوز واحد علشان ينتشلها من الفقر, او الدكر اللي بيتجوز واحدة علشان يقلبها في قرشين. وممكن في الحالتين من غير جواز وبتحصل كتير.
او اللي بيشتغل في مهنة شمال بحجة انه مش لاقي فلوس.

• الجهل اوقات يخلينا نتجرأ.

• المخدرات كمان ليها دور كبير, ومش لازم حشيش او افيون او ميرجوانا او حتي استروكس, ولكن في مخدرات أكبر من كده وأشهرها ” مخدرات الجهل والعشم والفشخرة”.
انه يكون جنبك مزه عاوز تترسم قدامها, او عاوز تاخد برنت اسكرين للعداد لزوم الانستغرام او ستاتيوس الفيس.

• خازوق الحماسة, انك تلاقي عربية ماشيه جنبك علي 180 فتاخدك الحماسة انك حتسبقها, ماتفوقش الا وانت في حضن الجبل او تحت لوري بعدا ما فردة الكاوتش اللي انت لاحمها 9 مرات قبل كدة ومركب لها شمبر ورقعه تفرقع.

• اتبقي أهم حاجه وهي الثقة في التوكل علي الله ” توكل وليس تواكل”.
لو مسلم وكافر نزلوا البحر, مش حينجي منهم غير اللي بيعرف يعوم.

بعض الباحثين وصفوا صدق الايمان بالله, انه في الأساس ايمان بالذات وقدرتها علي إدراك وجود الله.

كتير من علماء الميتافيزيقيا أجزموا ان وحدة القياس المرجعية لكل الأشياء هي الزمن وليست السرعة او الوزن أو الكتلة او الكم او حتي شدة الضاءة. وان الزمن نسبي لقدرة الاشياء أو الكائنات علي الادراك.

الاستاذ كمال الله يمسيه بالخير ويكتب له الخير” اتعرفت عليه واستضافني في جزيرة العديسات ” أدرك قانون الجذب ولغة الجسد بالفطرة ووصفهم لي وكلمني عنهم من غير ما يقرأ عنهم “

الثبات هو أمر نسبي لادراكنا للزمن.


أضف تعليق

انقر هنا لإضافة تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.