الربح من الانترنت تسويق الكتروني

مؤتمر الافيليت العرب 2016 ونصائح هامة للربح من الانترنت

الافيليت العرب 2016
الافيليت العرب 2016

مؤتمر الافيليت العرب 2016 كان من أنجح الأحداث التي أقيمت في مصر وشمال أفريقيا لعام 2016 عن التجارة الالكترونية والربح من الانترنت, وفي تدوينة اليوم مشاركة للأخ مهند عن ملخص ما جاء بـ مؤتمر الافيليت العرب 2016 وشرح تفصيلي لكل ما دار بالمؤتمر.


[ مؤتمر الافيليت العرب 2016 ]

بقلم مهند : شكرا لكل المنظمين و كل الناس من اكبر واحد لاصغر واحد .. البوست دا بنسبة 80 في المية من كلام المحاضرين في مؤتمر الافيليت العرب 2016 واسئلتي ليهم اللي علي جنب كدة .

20 في المية من كلام و خبرات المسوقين اللي اعرفهم و قابلتهم و من خلال خبرتي المتواضعة, انا هنزل المحاضرات اللي فادتني انا بشكل شخصي و اضافت لي معلومات ما كنتش اعرفها و مش معني كدة ان باقي المحاضراة سيئة .. اطلاقا .. و كدة كدة الفيديوهات هتنزل بتاعه المؤتمر تقدروا تشوفوها .. يعني انا مش ببخل بمعلومات ولا حاجة .. و كامل احترامي لكل اللي طلع علي الاستيدج.

قناة الافيليت العرب :

https://www.youtube.com/user/arabaffiliatesummit

قناة الافيليت العرب باللغة الاتجليزية :

https://www.youtube.com/user/affiliatesummit/videos


[ Com Mirza ]

مؤتمر الافيليت العرب 2016
Com Mirza

حساب الفيس بوك : Com Mirza
فيديو كوم ميرزا في مؤتمر الافيليت العرب 2016 :
https://www.facebook.com/Arabaffiliatesummit16/videos/899183886878953/


محاضرة كوم ميرزا في مؤتمر الافيليت العرب 2016 كانت تحفيزية جدا انه بيتكلم انه انشأ حوالي 10 شركات و الشركة ال10 افلست و باعها و رغم ذالك انشأ الشركة اللي بعدها و نجح و ما شاء الله يمتلك أكتر من 500 مليون دولار .. بدايته كان بيبيع عصير لمون و هو طفل و كان فرحان انه بياخد فلوس فمن و هو صغير حب البيزنس بشكل عام .. مش بحقر من البداية .. لكن بقول انها حاجة بسيطة كانت السبب في انه يحقق 500 مليون .. يارتني كنت بعت لمون هههههههه  .

قال انك لازم تعمل راس مال دائم و يتشغل لك .. و يكون سهل ان حد يستلم منه الفلوس علشان لو لا قدر الله مت ..اسرتك تعرف تعيش .. زي مثلا انك تعمل فلوس و تشتري قطعة ارض و تبني عمارة و تبيع بعض الشقق و تاجر الدور الارضي يبقي محل و تكسب منه الي مدي الحياة بدون تدخل منك 

و في النهاية بنشكر كوم ميزرا علي المحاضرة الرائعة دي 


[ Dan Brown ]

مؤتمر الافيليت العرب 2016
Dan Brown

حساب الفبي بوك : Dan Brown
فيديو دان براون في مؤتمر الافيليت العرب 2016 :

https://www.facebook.com/Arabaffiliatesummit16/videos/899202303543778/


دان براون كان بيتكلم انك تقدر تجيب ارباح من اليوتيوب و الريفيوهات او مراجعة المنتجات سواء علي كليك بانك او شوبيفاي او اي منتج انت عايزه و قال علي الطريقة بتاعته في التسويق و هي كالاتي :

(1) – البحث علي الكلمات المفتاحية ال keyword research
(2) – عمل الفيديو create video
(3) – كتابة اسم ملف الفيديو قبل رفعه + العنوان + الوصف + التاجات اللي هي الكلمات المفتاحية file/ title/description/tags
(4) – الباك لينكس backlinks


اولا : البحث علي الكلمات المفتاحية ال keyword research :

براون قال في الجزء دا اننا نبحث في جوجل كيورد بلانر و بيستهدف الكلمات الغالية اوي و اللي بيكون عليها بحث عالي علشان يكن في جمهور كتير و في نفس لوقت متعلقة بموضوع الفيديو اوي و بتكون في حدود من 5 : 7 كلمات مفتاحية

ثانيا : عمل الفيديو Create video :

في الجزء دا قال علي البرامج بتكون
easy sketch pro
video fx
و من عندي انا برنامج
camtasia studio

و طبعا احنا معلمين في التحميل هتلاقوها علي المنتديات او التحميل التورنت 

الفكرة كلها انك بتمسك الكاميرا و بتصور نفسك و تعمل الفيديو .. دان قال ان بيكون ليها رهبة في البداية و بعد كدة بتقل الرهبة دي طبعا و الافضل انك تطلع بنفسك لان دا بيزود الثقة و الناس بتتعرف عليك و تعرفك علي الحقيقة مش من خلال صوتك و بس

و تاني حاجة ال “GRII

G = GRAR
و دا المقصود بيه عامل الجذب .. ان مثلا العرض لفترة محدودة او اي حاجة تانية كفيلة بانها تجذب الزائر

R = RELATE
ودا المقصود منه انك تحكي القصة كانك مريت بنفس المشكلة اللي بيعانوا منها لو بتسوق لمنتج معين بيحل مشكلة مثل التخن “القصة دي من تاليفي” علي سبيل المثال

انا تخين جدا و بحب الاكل اوووووووي .. و لما شوفت اصحابي رفيعين و بيلبسوا لبس احلي و بيستمتعوا بالحياة و ليهم اصحاب بنات كتير هههههه .. حبيت اني اكون رفيع و استمتع بالحياة لاني زهقت من ان الناس بتسخر مني و زهقت من اني مش بعرف اجري و افرح زي اصحابي .. فدورت علي منتجات كتير اوي و دفعت فلوس علشان اخس و ما نجحتش معايا .. فاصبحت محبط و يائس ..لكن انا اخيرا لقيت الحل الذهبي اللي خالاني اخس 40 كيلو في اقل من 4 شهور و بقيت البس لبس اقل مش لبس ناس عندها 60 سنة و بقيت فرحان اكتر و مستمع بالحياة اللي كنت بحلم بيها طول عمري .. اخسر وزن كبير في اقل وقت ممكن دلوقتي و حقق حلمك  الرابط اسفل الفيديو

يعني من الاخر تفهمهم ان المنتج دا هيوصلهم للنجاح في انهم يكسروا المشكلة اللي في حياتهم و يعيشوا حياة افضل واحسن
Hosam Mahrous شكرا ليك فعلا لانه صاحب المقولة دي
“””النجاح سلعة غالية”””” ممكن الناس تدفع عليه فلوس كتير 

I = INTRIGUE
ودا المقصود منه انك تقوله انك جربت حاجات كتير و منتجات كتير و ما نجحتش

مثال : فدورت علي منتجات كتير اوي و دفعت فلوس علشان اخس و ما نجحتش معايا

I = INVITE

و دا المقصود منه انك تدعوه لانك لقيت الحل و تقوله ان المنتج دا ممتاز فعلا علشان تبدا تقوله خس الان و حقق حلمك .. ماتقولش اشتري و تامره .. قول الهدف اللي من وراء الشراء
شكرا لاحمد المحلاوي لانه شرحها لينا 
Ahmed Elmahalawy

مثال : انا اخيرا لقيت الحل الذهبي اللي خالاني اخس 40 كيلو في اقل من 4 شهور و بقيت البس لبس اقل مش لبس ناس عندها 60 سنة و بقيت فرحان اكتر و مستمع بالحياة اللي كنت بحلم بيها طول عمري .. اخسر وزن كبير في اقل وقت ممكن دلوقتي و حقق حلمك  الرابط اسفل الفيديو 

ثالثا : كتابة اسم ملف الفيديو قبل رفعه + العنوان + الوصف + التاجات اللي هي الكلمات المفتاحية file/ title/description/tags

-> كتابة اسم ملف الفيديو قبل رفعه file

بيتم تسمية اسم الفيديو بالطريقة دي

keyword-1_keyword-2_keyword-3

نفهم بقي الحتة دي .. انت دلوقتي جمعت الكلمات المفتاحية واللي هي من 5 : 7 كلمات .. يعني مثلا و لنفترض

حل مشكلة التخن
التخن بعد الولادة
التخن بالوراثة
حل مشكلة التخن بالوراثة
حل مشكلة التخن بعد الزواج
التخن
مشكلة التخن

دول الكلمات الغاليين و اللي عليهم بحث كتير مثلا .. هنجيب اقوي و اغلي 3 كلمات فيهم و ليكن اول 3 كلمات … يبقي اسم ملف الفيديو قبل الرفع هيكون كدة

حل-مشكلة-التخن_التحن-بعد-الولادة_التخن-بالوراثة

يعني الكلمة المفتاحية لو اكتر من كلمة بنزيل المسافات و نبدلها بعلامة الداش (-) و نفضل لبن الكلمة الاولي و الثانية و الثالثة بعلامة الاندر سكور (_)

اول كلمة “حل(-)مشكلة(-)التخن” و بعدها (_) تاني كلمة “التحن(-)بعد(-)الولادة” و بعدها (_) ثالث كلمة “التخن(-)بالوراثة” ……. و طبعا بعدها مفيش حاجة ركزوا هههههه 

-> العنوان title

بيكون بالشكل دا

headline-keyword

و دا معناه ان بيتم كتابة العنوان بتاع الفيديو و بعدها علامة الداش (-) و بعدها كلمة مفتاحية .. و يفضل انك تكرر الكلمة المفتاحة بس بطريقة مش سبام يعني مثلا

حل مشكلة “التخن” – الحل الاسرع و الاقوي للقضاء علي “مشكلة التخن”, يعني العنوان .. اللي هوا حل مشكلة “التخن” و بعدها داش (-) و بعها حطيت الكلمة المفتاحية الحل الاسرع و الاقوي للقضاء علي “مشكلة التخن”, و هنا انت كررت كلمة “التخن” مرتين و كمان كتبت الكلمة المفتاحية “مشكلة التخن”

و من المعلومات اللي اعرفها انك لو كررت الكلمة مرتين في العنوان بشكل مش سبام هيكون ممتاز و يا سلام لو عرفت تكتب كلمتين مفتاحيين و تكررهم مرة واحدة حتي .. هيكون ممتاز

-> الوصف description

بيكون بالشكل دا
link – keyword – transcription – link to channel – link to same video – link pointing to top tanking video for main keyword

الرابط – ثم الكلمات المفتاحية – التي هي مجودة في التوصيف – ثم رابط القناة – ثم رابط الفيديو بعد رفعه – ثم رابط الفيديو المصنف رقم واحد في ترتيب اليوتوب في الكلمة الرئيسية

يعني ايه الكلام دا ؟
ببساطة شديدة .. بتحط رابط الموقع او الافيليت او اي حاجة عايز تروج لها

و بعدها بتحط الكلمات المفتاحية في قلب ال transcription اللي هي المقصود بيها توصيف الفيديو .. و كتابة وصف الفيديو سهلة جدا عرفتها من كورس في يوديمي اسمه الان هيل alun hill الراجل دا بيقول انك ممكن تتخيل واحد صاحبك قاعد قدامك و انت بتشرح له الفيديو
و كمان نقطة مهمة .. حاول تحط الكلمات المفتاحية و تكررها من مرتين ل 3 مرات في الوصف علشان يكون ليها قوة في السيو بعد كدة هتحط رابط قناتك علشان تقول للناس اشتركوا علي قناتي, بعد كدة هتحط رابط الفيديو بعد ما تكون رفعته طبعا و تحطه في الوصف

و بعد كدة النقطة المهمة انك تحط رابط الفيديو المصنف رقم واحد في ترتيب اليوتيوب عندك في الوصف علي الكلمة الرئيسية اللي انت شغال عليها

يعني عندك الكلمة الرئيسية مثلا “حل مشكلة التخن” .. هتاخد رابط اول فيديو و تحطه في الوصف عندك .. دان قال انك لما تعمل كدة فانت بتقول لجوجل ان الفيديو الخاص بيك بنفس قوة الفيديو المصنف رقم واحد في يوتيوب

رابط الفيديو بشحمه و لحمه و كمان هتلاقوا الصور تحت
https://www.youtube.com/watch?v=gJVywuIV0KI

رابعا و اخيرا : الباك لينكس backlinks

الباك لينكس للي ما يعرفش هوا انك بتنشر رابط الفيديو الخاص بك او اي رابط انت عايزه علي المنتديات و المواقع و لذالك لما حد بيدوس عليه اسمه باك لينك يعني رابط بيرجع لك زوار علي الفيديو من برة اليوتيوب .. و طبعا بتنشره علي مواقع و منتديات
dofollow
يعني الكلام بيكون بالرابط بتاعه لما الزائر بيضغط عليه بيروح للموقع و دا بيكون ليه قوة في السيو طبعا كبيرة اوي

و بالمناسبة الفيديو دا رهيب لاي حد عايز يبتدي في اليوتيوب .. الكلام دا من راجل صاحب قناة يوتيوب فضية او ذهيبة تقريبا ومفعل قناته طبعا

https://www.youtube.com/watch?v=boBex_v3_eA&index=58

دان قال في الجزئية دي انه بيعتمد علي موقع فايفر علشان ينشر الفيديو بتاعه وبيعتمد علي خدمتين .. هما
social shares + backlinks blast
الروابط بتاعته اهه

https://www.fiverr.com/…/add-your-site-to-1001-social-bookm…

https://www.fiverr.com/…/get-800-edu-seo-links-for-your-web…

دان قال ان لو ترتيب الفيديو اصبح اقل ممكن نطلب الخدمات دي كل اسبوعين او كل 3 اسابيع و ممكن نحط باك لينك في منتديات او مواقع عليها بيدج رانك عالي يعني ترتيبها في جوجل عالي

دان قال بردو نقط مهمة بالنسبة للتسويق علي سناب شاب
https://www.snapchat.com/

و قال انها منصحة ممتازة لبيع المنتجات و قال ان في موقع بيجيب لك اعلي حسابات علي سناب شات ليهم متابعين و بيرتبهم حسب المجالات
https://www.ghostcodes.com/

و دان قال ان في شخص اسمه
DJ KHALED
و قال ان المعلنين بيدفعوا مبلغ كبير علشان يحط بوست معين عنده لان متابعينه كتير اوي, وبالمناسبة دان قال انك ممكن تزود متابعينك علي سناب شات ب 3 طرق هما بيهتموا بيها انك تنزل عروض او انك تعرض علي الناس هدايا مجانية لاي حد يشير حاجة معينة انت عايز تنشرها او انك تدون في مجال اللايف استايل اللي هوا الاكل و المشروبات و اللبس و الحاجات دي, دان في نهاية كلامه قال ان المنتج دا بيحول جامد معاه و عمل نتائج حلوة

“ORGANIFI”
و في النهاية بنشكر دان براون علي المحاضرة الرائعة دي 


[ Hossam Zaoui ]

فيديو حسام الزاوي في مؤتمر الافيليت العرب 2016 :
https://www.facebook.com/Arabaffiliatesummit16/videos/899256383538370/

حسام عمل ما شاء الله 6 ارقام “يعني من اول 100 الف دولار او اكتر” علشان محدش يستهون بالطريقة و في مقالة واحدة بس تقريبا عملت له 5000$, بشكره فعلا علي المحاضرة الرهيبة دي بجد شكرا ليه و علي المجهود الرائع دا و بشكره علي اجاتبه لاسئلتي .. جزء مهم جدا للي عايز يبدا النهاردة, و هقول لكم ازاي تربح بمحتوي 5 سطور فقط و بميزانية 100$ فقط و كمان جزئيات مهمة في اعلانات الفيس من خلال اسئلتي معاه 

اللي مش مشترك في ادسنس يكمل و انا هقول علي طريقة كويسة .. مالكش دعوة بكلام الناس ان شاء الله تتقبل بسهووووووولة  و اعرف ناس شغالة في ادسنس لو الطريقة ما نجحتش هسالهم و ان شاء الله دايما في حل 

بدايتا .. الطريقة اسمها ادسنس اربيتراج AdSense Arbitrage و دي معناها انك بتجيب ترافيك او زوار لاجوجل ادسنس بسعر ارخص و بتربح الفرق و اللي ما يعرفش ادسنس ايه هو .. هو عبارة عن برنامج مشاركة ارباح الاعلانات ما بين اصحاب المواقع و المدونات و ما بين جوجل .. يعني المعلن بيروح لجوجل بيدفع فلوس علشان يعرض اعلانه في المواقع و جوجل بتاخد الاعلان بتنزله في المواقع و بيتم تقسيم الربح بين جوجل و بين اصحاب المواقع .. اللي هما من الاخر اسمهم الناشرين .. علشان بينشروا الاعلانات 


الجزئية دي من عندي و حسام غير مسئول عنها

الشغل دا ينفع للعرب و للاجانب .. لكن احسن لك اشتغل مع الاجانب .. هتقولي معرفش انجلش .. هقولك اتصرف دول 5 سطور بس .. يعني مش مقالة 400 كلمة زي ما الناس بتاعه ادسنس بتشتغل .. ثانيا ان شاء الله هقول ازاي تقدر تجيب المحتوي و الله 5 سطور سهلة فحت  .. الميزة انك ممكن تشتغل علي منتجات في امازون و كليك بانك و كمان تعمل content locker & cpa offers قفل محتوي من شبكات السي بي ايه و كمان تروج لعروض cpa و ممكن تشتغل في شوبيفاي علي منتجات مثلا الحيوانات الاليفة و التيشرتات و حاجات كتير الاجنبي بحر في اي مجال ممكن فعلا تجيب ارباح اضعاف اضعاف العربي لان الاجانب فعلا متفاعلين جدااااااااااااااا .. يعني ممكن تكسب 5 مرات من ترافيك واحد ادسنس – امازون – cpa – كليك بانك – شوبيفاي

قلبوا في قناة الباشا الكبير احمد الغانم شارح السي بي ايه و كمان قفل المحتوي
شكرا ليك يا احمد .. لانه بعد ربنا كان السبب اني اجيب اول ربح ليا في حياتي و استمر رغم عدم استلامي لاي ارباح لمدة 3 سنوات 

5.10$ علي cpagrip 
Ahmad ALGhanem Ahmad AlGhanem

https://www.youtube.com/channel/UCofJ5OBw27ewg9mauJkxBFA

فيديوهات بتشرح قفل المحتوي

https://www.youtube.com/watch?v=iJfn5UZIlUY
https://www.youtube.com/watch?v=C1xUpC9YhNw
https://www.youtube.com/watch?v=GbOm96IRPI0

اللي معندوش ادسنس .. هيشترك في جوجل و يعمل مدونة و يشتري دومين و يربطه بالمدونة و ينزل قالب نضيف و موجود قوالب مجانية بالهبل و يدون عليها بالطريقة اللي هنشرحها لمدة شهر و يشترك في شركة بروبلر ادز .. و بعد شهر من الشغل هيقدم وان شاء الله هيتقبل

انت ممكن تجيب استضافة و دومين ب 10$ في الشهر و تشتغل علي ورد بريس صح و ممكن تشتغل علي مدونة و تربطها بدومين من جوداداي اول سنة الدومين بدولار  و الباقي اعلانات 


هتتقسم النقط كالاتي

=> How much money you will invest ? هتسثمر قد ايه ؟
=> research البحث عن المحتوي
=> spying التجسس
=> traffic source مصدر الزوار
=> scaling تطوير الارباح
=> ad example امثلة علي الاعلانات و دراسة حالات
=> my questions and new strategy اسئلتي لحسام و استراتيجية سهلة للبدء

=> How much money you will invest ? هتسثمر قد ايه ؟

المبلغ المطلوب من 100$ : 150$

طيب المبلغ هيتصرف علي ايه ؟
هيتم صرفه علي اعلانات الفيس و المصادر الاعلانية التانية وعلي الاستضافة و الدومين فقط لا غير و ممكن تشتري ثيم لو حابب
الاستضافة من
https://hosthatch.com/
و مش عارف انه خطة بالظبط بامانة و عندك الدومين من شركة جودادي طبعا اول سنة ب 0.99$ .. دوروا علي الكوبونات 0.99 godaddy promo code 2016 و اي شركة في بدايتها ممكن تعرض عليك كوبونات علشان تشدك ليها .. في اي حاجة بتشتريها لاول مرة دور دايما علي الكوبونات 
https://www.godaddy.com/

اهم حاجة في الدومين انه يكون عام مثلا زي
entertain-me.com
i-entertainment.com
fun-club.com

انا معرفش المواقع دي موجودة ولا لآ انا بقول امثلة عامة و الموقع دا بيولد لك اسماء لو انت محتار .. هتحط الاسم اللي نفسك فيه و هوا هيجيب لك اسماء موجودة و متاحة علي ما اعتقد
http://www.namemesh.com/
او ابحث في جوجل عن Domain Name Generator و اذا كنت حابب تشتري ثيم لورد بريس .. الاسماء اهه ” little sparkle theme – newspaper theme – social viral theme “

دوروا علي ارخص كوبونات او ارخص الاماكن .. و ممكن ماحد يتشري و تقسموا الفلوس مع بعضكم و تشيروه بينكم

كمان في حاجة مهمة اوي قالها حسام و هي انك تحط الاعلانات تحت زرار “<- previous” “next ->” ومهم جدا انك تعملها او تخلي حد يعملهالك

بعد كدة عندنا :
=> research البحث عن المحتوي

ازاي نقدرنجيب المحتوي ؟ بسيطة جدا .. كل اللي هتعمله هتدور في جوجل علي المجال اللي عايز تدخل فيه و كمان تقدر تاخد افكار من المواقع دي.
buzz sumosimilar webgoogle trends
بتدور علي المقالات الاكتر انتشار و تبدا تدور علي المقات اللي عناوينها جذابة و ليها صور غريبة و تكون انت نفسك عايز تشيرها .. هتلاقوا اسماء المجالات اللي بتكلم عليها تحت في الصور .. بردو ممكن تاخدوا افكار من الاعلانات اللي موجودة في قلب الموقع و بالذات الاعلانات الناتيف و الكونتنت ادز بردو “native ads – content ads” المهم قلبوا في الموقع كويس و بصوا ليه كانكم زوار و هتلاقوا كمية مقالات ممتازة

ترجمة المجالات الممتازة اللي تقدر تبتدي بيها المجالات اللي نصح بيها حسام زاوي هي الاتي :

– الحاجات الرقيقة زي البيبي مثلا 

– المثير للجدل زي مثلا الرصاصة السحرية اللي تسببت في مقتل الرئيس الامريكي جون كيندي

– الاشياء و الحقائق المذهلة .. مثلا زي معلومة قتل انثي العنكبوت لزوجها بعد التزاوج .. انثي واطية بصحيح

– الحقائق الصادمة او الاشياء الصادمة عموما اللي هي زي اكتشاف العلماء ان نظرية اينشتاين للجاذبية تحققت صحتها السنة دي و انها اصح نظرية للجاذبية الارضية

– الاشياء المضجكة و دي طبعا زي المقالب و في قناة جامدة للحوار دا عدت ال2 مليار مشاهدة و كلنا نعرفها علي ما اعتقد
https://www.youtube.com/user/JustForLaughsTV

– الاخبار المؤسفة .. زي مثلا انفصال انجلينا جولي و براد بيت

– كيفية عمل الاشياء .. و دا مجال ممتاز يهتم بانه بيجيب معلومات عن ازاي تعمل طائرة لاسلكية في البيت و دا موقع كان قال عليه غيب امين ممتاز جدا و ممكن تاخد افكار منه
http://www.instructables.com/
http://makezine.com/
شكر خاص للباشا
Amine Raghib – أمين رغيب

– الاراء المتشددة او المتعصبين عموما .. زي انك تستفذ فريق الاهلي بالزمالك و العكس .. ابوس ايديكم سيبوا البروفايل في حاله .. انا بكره الكورة و السياسة .. شكرا جزيلا 

– مجال الحيوانات ممتاز جداااااا .. زي انك تشوف لقطة وقوف الغزالة مع مجموعة الفهود بكل عزة قبل ما تتاكل و المقصود انها تموت بعزة و كرامة .. او ان نفسها اتقطع من كتر الجري فاستسلمت لقضاء الله هههههههههههههه

المهم بعد اختيار المجال اللي هتشتغل فيه هتكون انشاءت المدونة بتاعتك سواء ورد بريس او بلوجر و بعدها هتعمل حسابك انك تنقي 10 مقالات و تعمل لهم اعادة كتابة او صياغة بحيث انها تكون متفردة و غير منقولة و اعتقد انها ما تقلش عن 400 كلمة تقريبا

=> spying التجسس :

في الطريقة دي هنبدا نتجسس علي المنافسين .. حسام قال هتغير الابي بتاعك لامريكا في اضافة في جوجل كروم انا بستخدمها ممتازة و اللي قال عليها رغيب امين بردو شكرا ليه Amine Raghi  – أمين رغيب

الاضافة مجانية بتحتاج تسجل باسمك و ايميلك و بس .. الرابط اهو .. اسمها zapyo

https://chrome.google.com/…/ollhbgdkbcafedfpfkjlkcgkmdnhfgf…

المهم بهد ما نغير الاي بي .. هتروح لياهو و تشوف الاعلانات و تاخد افكار من المقالات الموجودة .. بالظبط زي نظام مكتوب من من موقع ياهو بالنسبة للمحتوي العربي ادوات التجسس اللي قال عليها حسام “adbeat – native ad buzz – advault – google trends” و طبعا زي ما قولنا فوق بتجمع المواقع المهتمة بالمجال بتاعك ..حوالي 4 او 5 مواقع من buzz sumo – similar web

=> traffic source مصدر الزوار :

من اقوي و ارخص مصادر الزوار اللي قال عليها حسام هي اعلانات الفيس بوك و كان بيجيب التفاعل بسنت واحد .. و كان مستهدف فئة من اغلي الفئات .. طبعا امريكا و كمان كان مستهدف الديسكتوب اللي هي اجهزة الكمبيوتر و نوع الاعلان بيكون بالتفاعل علي البوست … و كان مستهدف الستات لانهم الاكتر تفاعل علي البوستات الغريبة .. الحتة دي من عندي .. ارخص سن تستهدف بيه من 18 : 34 .. في الفايرال اعتقد انك ما تحددش سن اوي لان محدش هيتفاعل الا اللي مهتم باعلانك فعلا .. بالاضافة الي انك بتحتاج اكبر كم ممكن من الجمهور علشان يدخلوا و علشان يتفاعلوا مع الاعلانات و تكسب انت اكبر كم ممكن من الفلوس .. حسام ماشاء الله في اعلان عنده جاب 450 تفاعل و منهم 350 نقرات للموقع تقريبا .

حسام قال انك لوعملت الاعلان بتوقيت نيويورك الساعة 12 بليل بيكون احسن و دا الكللام اللي اكده ليا احمد باشا الزياتي و قال ان الاعلان بيكون افضل لما بيتعمل الساعة 5 مساءا بيتوقيت مصر بشكر احمد الزياتي علي المعلومة دي Ahmed Zyaty

و كمان من مصادر الترافيك اللي بيتعامل معاها حسام outbrain – yahoo gemini – content.ad – revcontent و قال ان outbrain ممتاز و كمان yahoo gemini ترافيك موبايل كويس

=> scaling تطوير الارباح :

يبقي كدة نجمع اللي اخدناه .. دورنا علي المجال اللي هنشتغل عليه .. بحثنا عن المنافسين والمواقع اللي هنجيب محتوي منها .. هنبدا نشتغل علي المدونة و نعملها .. هنعمل اعادة صياغة ل 10 مقالات .. هننشرهم علي المدونة بعد ما نكون اشتركنا في ادسنس .. هنجيب ترافيك من المصادر اللي قال عليها حسام و هوا نصح اي مبتدئ بالفيس لانه رخيص و ممتاز .. جبنا ترافيك .. المفروض حسام قال اننا نختبرالمقالة الواحدة ب 10$ .. كل يوم هتصرف عليها 3$

ممكن نبتدي من وجهة نظري تصرف 1$ علي كل مقالة لمدة 3 ايام .. نقول مثلا هتعمل اعلان علي 3 مقالات في اليوم .. هتبدا تشوف الترافيك دا هل في نتائج او لا .. المقالة اللي بتجيب .. تبدا تعلي الميزانية الخاصة بها ..اللي ما جابتش بعد صرف 3$ .. انساها و اختبر مقالة اخري .. و بردو من وجهة نظري .. انت معاك 100$ ميزانية .. اختبر ب 30$ و استثمر ال70$ في اعلي مقالة بتجيب لك ارباح .. يعني اختبر 10 مقالات و احسن واحدة بتول تركز عليها لحد ما تستلم ارباحك من ادسنس و تعيد صرفها في الاعلانات علشان تبدا العجلة تدور لحد ما توصل ل 6 ارقام زي حسام ما شاء الله .. عارف ان من الصعب تربح اول فلوس و ما تصرفش منها حاجة .. لكن كل دا علشان في ظرف 3 شهور ان شاء الله تكون بتاخد مبلغ محترم مثلا 500$ .. اتمتع ب 100$ و حط الباقي في البيزنس لحد ما يكبر معاك و لما يبقي ربحك 1000$ اصرف 20% و حط ال 80% في البيزنس .. بعد 6 شهور المفروض تقدر تجيب في حدود 3000 مثلا .. ابدا اصرف 30% و كافئ نفسك و حط الباقي في البيزنس .. اصرف 1000$ و استثمر ال 2000$ .. و انت لو لقيت البزنس هيجيب فلوس .. هتلاقي نفسك بتصرف اقل و تستثمر اكتر علشان البيزنس يكبر و راس مالك يوصل من 1000 الي 100.000 .. و من الافضل انك لما تستلم ارباحك .. خصص راس مال للتست كتير . .. و شوف انه حملة اللي بتحقق اعلي ضعف للي كسبته .. يعني .. اختبر المقالات علي قد ما تقدر .. و لما تلاقي مقالة بتصرف فيها الدولار بيرجع لك 2$ امسك فيها و بعد كدة لقيت واحدة بتكسبك 3$ سيب القديمة و ركز علي ال3$ و مكذا علشان تقدر تحقق اعلي رقم باقل صرف ممكن 

=> ad example امثلة علي الاعلانات و دراسة حالات
هتلاقوا امثلة تحت علي الاعلانات و الصور اللي حققت نتيجة قوية مع حسام
حسام ما شاء الله حقق 16 الف باستثمار 7الاف فقط
في مقالة واحدة جابت له 5000$
و حقق حسام في الاجمال من هذا المجال 6 ارقام ما شاء الله 

=> my questions and new strategy اسئلتي لحسام و استراتيجية سهلة للبدء

– سالته عن استهداف الفيس في المجال اللي هشتغل فيه ؟
قالي بتستهدف المجلات و الكتب و الافلام المشهورة و المتعلقة بالمجال بتاعك

– بنعرف ازاي اي مقالة اللي جابت اعلي ربح $$$$$ ؟
قال من خلال جوجل ادسنس نفسها .. و الجزئية دي من عندي .. من الافضل تسطب جوجل اناليتكس لانه هيسهل لك الدنيا .. صعب في البداية و انا نفسي مش بستخدمه .. لكن نقاريره كتيرة جدا و دسمة جدا و مفيدة اووووووووووووووي

– بالنسبة لوفي بانر اعلاني و مقالة نجحت .. ازاي اعلي الميزانية علي الفيس من غير ضرر ؟
بالنسبة للناس اللي ماتعرفش .. لما بتعلي الميزانية اوي .. الجودة بتقل وسعر التفاعل بيزيد .. ثانيا كتر التعديل علي الفيس غلط و ممكن يقفل الحساب .. طيب الحل ايه ؟

الحل انك بتعلي الميزانية لحد ماتلاقي ان السعر غلي و الجودة قلت .. ترجع لاخر سعر كان الفيس بيحاسبك عليه كويس و ممتاز .. و بعدها تبدا تحدد الاعلان و تدبلره يعني تكرره و تعمل واحد زيه بالظبط بتتعمل من الباور ايديتور او الادز مانجر نفسه .. و من الافضل اي تعديل تعمله من الادز مانجر .. حسام قال ان اقصي عدد من مرات التكرار من 5 : 10 مرات علشان الفيس ما يوقفش حسابك..و قال كمان انها كانت بتوصل معاه لدرجة ان بيفضل يدبلر لحد مدة 20 يوم ..يعني لازم تبقي صبووووووووووور 

– السؤال الرابع و الاهم .. ازاي اشتغل علي تدةوينات الفيديو لو انا بكرة المقالات ؟
قالي تحط رابط الفيديو من المصدر الاصلي .. اي مصدر يعجبك .. مع كتابة 5 سطور فقط .. مع ذكر اسم المصدر بدون روابط .. فقط الاسم يكون مكتوب

صاحب الفكرة اصلا بتاعه ادسنس مع الفيديو هوا الباشا دا شادى شطا شكرا ليك بجد
https://www.youtube.com/user/shadysoftdomiat
القناة بتاعته مفيدة جدا و مفعلة كمان … في طرق بلاك هات بلاش تتطبقها .. خد افكار من اعلانات الفيس اللي بيعملها و الدماغ اللي شغال بيها و الشركات اللي بيحقق ارباح معها .. و ابعد عن مصادر الترافيك التانية

الجزء دا من عندي للناس اللي عايزه تشتغل بمحتوي 5 سطور و تشترك في ادسنس
هتعمل المدونة و تشتري دومين بدولار و تربطه بالمدونة بتاعتك علشان لو نقلت و بيقت استضافة مدفوعة مع ورد بريس قدام .. الناس تيجي لك علي نفس الرابط و ما تفقدش زوارك الاوفياء اللي بيحيبوا محتواك هتاخد عنوان الفيديو كعنوان للمقالة الخاصة بيك و تغير فيها طبعا و هتاخد الكلمات المفتاحية الخاصة بالفيديو .. في ادوات كتير بتجيب لك التاجات الخاصة باليوتيوب عادي زي دي
http://vidiq.com/
دول ناس واخدين علامة التوثيق من اليوتيوب .. و هتحط الكلمات دي عندك .. علشان تبقي عملت جزء من السيو من غير اي تعب نهائيا .. الاداة اللي فوق دي رهييييييييية جدا عرفتها بردو من كورس الان هيل علي يوديمي شكرا ليه

في كمان ثيم لبلوجر رهيب اسمه “dynamic views” “قوالب ديناميكية”
https://www.youtube.com/watch?v=lpDQF2lFnBU

اعمل بتاع 30 : 50 تدوينة وما تنساش تعمل “المواضيع المتعلقة او شاهد ايضا” علشان الزائر يفضل فترة في الموقع و يتفاعل وتكسب انت و كمان ترتيبك في جوجل يعلي .. و بعدها هتشترك في موقع اسمه بروبلر ادز .
https://propellerads.com/
وتشتغل عادي جدا و تكسب مع بروبلر ادز للالف ظهور وهتعمل الاعلانات علي الفيس و تجيب ارباح من بروبلر .. و بعد ما يعدي اول شهر قدم علي ادسنس و ان شاء الله تتقبل 

في النهاية حسام قال ان : نيش رياضة الهوكي في امريكا ناجح جدا لكل اللي بيشتغل علي موقع التيشرتات “teespring” النيش النسائي و الاستهداف النسائي مربح اكثر من الرجالي في امريكا نيتش الحيوانات ناجدا و بالذات الاحصنة نحط الاعلانات تحت زرار “<- previous” “next ->” و قال انها مش ممنوعة من ادسنس اعمل قسم “شاهد ايضا او المواضيع المتعلقة “

تكرار الاعلانات الناجحة و عمل الاعلان الساعة 12 مساءا بتوقيت نيويورك او الساعة 5 مساءا بتوقيت مصر و اللي فال عليها احمد الزياتي شكرا ليه 

تقدر تستخدم بنرات كليك بانك و امازون و تروج لعروض السي بي ايه و شوبيفاي و تشترك في شركات اعلانية اخري .. المهم يكون 3 بنرات اعلانية في الموقع علشان تتوافق مع قوانين ادسنس تقريبا و ما تتحظرش

اختبر المقالة ب 10$ و تتقسم 3$ كل يوم .. و انا من وجهة نظري 3$ تقسم 1$ كل يوم


مؤتمر الافيليت العرب 2016
Hesham El-Gamal

محاضرة المهندس هشام الجمال في مؤتمر الافيليت العرب 2016 .. بشكره جدا علي تحريرنا من الحدود بجد شكرا ليك 
Hesham El-Gamal
https://www.facebook.com/Arabaffiliatesummit16/photos/a.457209901076356.1073741830.407646062699407/899297016867640/?type=3&permPage=1

محاضرة تحفيزية و بعيدة تماما عن التسويق لكن هتفيدك في حياتك كلها .. الراجل دا واحد من اقوي المحاضرين اللي سمعت لهم في حياتي .. بدا الماضرة بانه قال عايز كل اللي في القاعة يرفعوا ايديهم لاعلي حاجة .. فرفعنا ايدينا و احن قاعدين علي الكرسي .. قال ارفعوها 2 سنتيمتر كمان .. شدينا ايدينا اوي لفوق .. و قال طب عايز 10 سنتيمتر كمان .. قمنا من علي الكرسي خالص .. قال طب عرفتوا انكم في الاول مرفعتوش ايديكم لاعلي حاجة  .. و قال ان المغزي من القصة دي ان انت نفسك اللي بتحط لنفسك الحدود .. انت اللي بتخلق الحدود رغم انه في الحقيقة مفيش حدود .. فالمقصود انك ما تحطش لنفسك حدود .. المقصود انك لوحلمت بحاجة .. هتقدر تحققها .. هتقدر توصل .. مفيش حاجة صعبة .. الناس اللي بتعمل ملايين هما في الاخر بني ادمين .. سعوا و فشلوا زي كوم ميرزا لكن وقع و قام و فضل كدة لحد ما بقي معاه 500 مليون دولار .. هوا في الاخر بني ادم زيك زيه .. لكن الفرق انه كسر الحدود و حسس نفسه ان الكون ما يسعش احلامه .. كسر كل الحدود .. اكسر انت كمان حدودك و حقق حلمك حتي لو كان مستحيل و انت اول واحد تفكر بالطريقة دي .. هيجي اليوم اللي لما تنجح فيه هيحترموك و جروا عليك بعد ما كانوا بيحتقروك و كمان بيحطموك .. احلم و حقق حلمك انت مالكش حدود 

في النهاية بشكر بجد الباش مهندس هشام الجمال .. فعلا محاضرة قوية و بنسبة 90% ان شاء الله هتكون بعد ربنا السبب في تغيير حياتي كليا و طريقة تفكيري 


مؤتمر الافيليت العرب 2016
Mohammad Khartabil

محاضرة الباشا الجامد اوي محمد علي عقل في مؤتمر الافيليت العرب 2016
Mohamed Ali Aguel
https://www.facebook.com/Arabaffiliatesummit16/photos/a.457209901076356.1073741830.407646062699407/899797980150877/?type=3

طبعا لو طال رقبتي كان طيرها .. كان نفسه يضربني بالنار من كتر ما هريته اسئلة بعد ما خلص
الاسئلة بالكامل و اجاباتها هتكون موجودة تحت ان شاء الله .. حصريااااااااااااااااا 

و شكرا للباشا Mohammad Khartabil و هو فاهم ليه بقي هههههههه

الطريقة اسمها كليك فانل و هدفها الاخير البيع .. سواء منتجات او اي شئ عموما .. و نقدر نقول انها مختصة اكتر بشوبيفاي و الدروب شيبينج .. الدروب شيبينج معناه .. ان بتعمل متجر و تعرض المنتجات الاكتر مبيعا عندك بدون الحاجة لامتلاكها .. يعني بتبيع حاجة مش ملكك .. و بتاخد المنتجات بسعر ارخص من علي اكسبريس و بتعرضها علي انها بتاعتك بسعر اعلي .. و لما المشتري بيشتري .. بتاخد البيانات و الفلوس بتاعته و بتشتري البضاعة بيها و بتحط بيناته هوا علشان تتبعت له البضاعة و بتاخد انت فرق الفلوس .. و مش بيكون عليها لوجوهات للشركة الاصل  جاجة كدة اسمها برايفت ليبول يعني بدون لوجوهات

طيب في ناس بتقول ان دا حرام .. لانك انت مش ممتلك للبضاعة .. طيب الحرمانية المفروض اصلها الضرر .. واحد دفع لك فلوس .. و مثلا البضاعة خلصت عند الراجل اللي انت اساسا بتشتري منه .. رجع للراجل فلوسه يا اخي  .. و ممكن تدور علي تاجر تاني حتي لو اغلي شوية مش مشكلة .. يبقي فين الضرر هنا .. مهو حاجة من الاتنين .. دفع الفلوس و المنتج خلص .. او انت المنتج مثلا طلع اساسا تالف من قلب المصنع .. و في الحالة دي بردو بيرجع و انت بتقدر ترجع فلوسك و بيوصل للعميل واحد بدلا منه .. شوفوا الاسئلة و الاجوبة تحت خالص لان كل دا انا سالته لحمد .. فارجوكم يا جماعة .. محدش يحرم و يحلل علي مزاجه .. ربنا يحرم اي حاجة في ضرر .. لكن طالما مفيش فها ضرر .. يبقي اعتقد انها حلال و الله اعلم .. شغلوا الجمجمة 

طريقة محمد بتعتمد علي

=> traffic مصدر الزوار
=> landing page صفحات الهبوط
=> checkout page صفحة الدفع
=> upsells الشراء الاضافي
=> thank you page صفحة الشكر

الصور موجودة تحت .. انا بترجم و بضيف معلومات

=> traffic مصدر الزوار

محمد قال انه بيجيب الزوار من المواقع الاتية
Facebook
Instagram
Pinterest
Adwords
Yahoo gemini
twitter
Native ads “taboola, revcontent”

طبعا انا عن نفسي حاليا بهتم بالفيس بوك لانه رخيص و درسته كويس

=> landing page صفحات الهبوط

طبعا صفحة الهبوط معناها هي الصفحة اللي بيدخل عليها الزائر علشان تقدر تفهمه فكرة المنتج و تقنعه بيها و تحوله من عميل بارد لا يعرف شئ لعميل دافئ احب المنتج و يريد الشراء

عوامل مهمة في صفحة اللاندنج لازم تكون متوفرة

– متوفر فيها وسائل الاتصال بصاحب المتجر و قوانين الخصوصية

– ازالة اي نوع من انواع البوب اب او الرسائل المنبثقة عندما يريد الزائر الخروج

– لوجو الموقع

– زر واضح و كبير و بلون واضح حتي يضغط عليه الزائر و يتحول لصفحة المبيعات

– فيديو بيشرح المنتج زي ما قولنا في جزء دان براون

– عوامل التحفيز سواء بانك تعمل كاونت داون و تقوله ان العرض هيخلص في خلال ساعة او انك تقوله باقي 10 قطع فقط .. او الاتنين 

– عروض و تخفيضات علي المنتج مثلا 50% خصم لمدة 5 ساعات

=> checkout page صفحة الدفع

صفحة الدفع لازم يكون فيها

– عوامل الثقة زي مثلا علامات الباي بال و علامات الانتي فايرس
– كاونت داون .. يعني عداد الوقت .. علشان توريه ان العرض لفترة محدودة
– متوفر فيها وسائل الاتصال بصاحب المتجر و قوانين الخصوصية
– لوجو الموقع
– بانر بيفكرهم بالعرض و لتكن صورة المنتج مثلا
– شرائح الاسعار
– زر واضح و كبير و بلون واضح حتي يضغط عليه الزائر ليشتري
– عدم وجود اي مشتتات

=> upsells الاب سيل-> الشراء الاضافي
الاب سيل او الشراء الاضافي دا معناه ان الزائر بدل مثلا ما يشتري حاجة واحدة .. ممكن يشتري كذا حاجة بسعر مخفض .. يعني مثلا بدل ما تشتري تيشرت ب 50$ .. اشتري تيشرت و بنطلون و حذاء رياضي بسعر 100$ بدلا من 150$ .. بالظبط زي ما امازون بتعمل و دي نقطة ممتازة من محمد بشكره عليها  .. و قال كمان علشان تقدر تلاقي امثلة ادخل لاي منتج في امازون و تنظمها كالآتي

– محتاج انك تعمل المنتجات الاب سيل تكون متعلقة بالمجال او بالمنتج بشكل خاص زي طقم اللبس كدة اللي شرحناه فوق

– احسن مكان تلاقي فيه الاب سيل هوا امازون

– و في اب سيل كمان .. هوا ان بعد ما المشتري يشتري منتج معين تقوله الناس اللي اشترت المنتج دا اشتروا بردو المنتجات دي .. بالظبط زي امازون
مثال : بعد ما الراجل يشتري طقم اللبس “التيشرت و البنطلون و الحذاء الرياضي” .. ق=تقوله الناس اللي اشترت الطقم دا اشتروا بردوا المنتجات دي “و تبدا تعرض المنتجات المتعلقة بنفس المجال او نفس المنتج” .. يعني ممكن تعرض له قميص ممكن يتلبس مع البنطلون اللي اشتراه ااو بنطلون تاني يتلبس مع التيشرت و هكذا

– الشحن يكون مجاني و تختار ال epacket

=> thank you page صفحة الشكر

– ممكن تحط فيها كوبون خصم 30% لكل المنتجات و يبقي اب سيل الثالث
– قوله علي فترة الشحن و ممكن تكتب له اجمالي المبلغ المدفوع

-> طب ازاي نجيب افكار للاعلانات ؟
الموقع دا ممكن تكتب المنتج اللي انت عايز تشتغل فيه + كلمة “free shipping”

http://fb-search.com/search/

و طبعا لما تلاقي بوست عدد الشير بتاعته كتير يبقي بوست ناجح و كمان بيحول 

نصائح الفيس بوك ادز :

– التزم بالقوانين لو حابب انك تكون في الجنب الامن و كمان علشان يكون ربحك مداه طويل .. مش كل شوية يتقفل لك اكونتات علي الفيس يعني

– الوايت هات و المقصود بيه الطرق المشروعة هي اللي بتجيب الربح المظبوط و الاحسن

– لازم تستخدم اعلانات الفيديو لانها ارخص بحوالي 5 مرات من اعلانات الصور علشان تفاعلها اكبر

– التفاعل علي البوست هوا الملك و هوا اللي بيرخص اعلاناتك

كلام من عندي :

– ابني قائمتك البريدية عن طريق مثلا انك تقوله .. احصل علي كوبون 30% مجانا .. فقط سجل اسمك و ايميلك

– لازم تحط البيكسل كود في المتجر علشان تقدر تستهدف الناس المهتمة و اللي زيهم فيما بعد كمان بدل ما تقعد تستهدفهم و تدور في الاهتمامات كذا مرة .. استهدف مرة واحدة و احتفظ بالجمهور  .. الفيس ببساطة شديدة بيشوف العوامل المشتركة بين الزوار و تقدر تقول للفيس اناعايز ال100 زائر دول و اللي مهتمين زيهم .. و بكدة تريح دماغك من حتة الاستهداف خالص

الفيديو دا ممتاز لكل الناس اللي عايزه تفهم استهداف الاوديانس انسايتس
https://www.youtube.com/watch?v=6hpTTy-8NrE

اسئلتي مع البرنس محد باشا علي 

– حتة الريفند او ترجيع المنتج .. ماذا سيحدث في حالة اذا استلم العميل منتج تالف و اراد ترجيعه؟

– ازاي الاقي اعلي البائعين تقييما و ما هي احسن المواقع و الارخص لشراء المنتجات للتعامل بها في مجال الدروب شيبينج ؟

– افضل المجالات اللي شغال فيها المبيعات بشكل ممتاز ؟

– الحد الاقصي لمدة الشحن ؟

– في حالة اني عايز اشتري كمية كبيرة بسعر ارخص .. اعمل ايه ؟

– ازاي اقدر اعرف ان المنتج وصل للمشتري او لا ؟

– تسعير المنتج .. كيف يتم و اين اجد الاسعار ؟

في حالة اني عايز اجيب شركات شحن علشان اشحن منتجاتي الخاصة اعمل ايه ؟

– حتة من عندي .. ازاي تقدر تزود المبيعات بشكل جنوني بدون التدخل ؟؟؟؟ .. استراتيجيات حلوة ان شاء الله هتعجبكم 

– حتة الريفند او ترجيع المنتج .. ماذا سحدث في حالة اذا استلم العميل منتج تالف و اراد ترجيعه؟

ببساطة هيصور المنتج التالف و هتاخد الصورة و ترسلها لعلي اكسبريس او ايباي و هما هيرجعوا فلوسك في مدة خلال 3 : 4 اسابيع و هترسل منتج اخر بدل التالف للعميل مع هدية كوبون خصم لتصحيح الخطا دا .. المفاجاة ان الشركات دي مش بتاخد المنتج التالف .. بتكتفي بالصورة فقط و المفاجاءة اللي ما كنتش اعرفها ان الناس دي مش بيكون معروف البراند بتاعها سواء ايباي او علي اكسبريس .. فماتقلقش لان المنتجات دي بتكون
“private lable” يعني بدون اي لوجوهات

– ازاي الاقي اعلي البائعين تقييما و ما هي احسن المواقع و الارخص لشراء المنتجات للتعامل بها في مجال الدروب شيبينج ؟

البائعيين الاعلي تقييما في علي اكسبريس ابحث في جوجل
“ali express seller rank”
http://alixblog.com/en/best-sellers-aliexpress/

البائعيين الاعلي تقييما في علي علي اكسبريس ابحث في جوجل
“ebay top seller ranking list”
http://www.webretailer.com/lean-co…/worlds-top-ebay-sellers/

تقدر تتعامل مع اي بائع بس بالميت يكون طلع 1000 اوردر او قطعة و تشوف اراء الناس فيه وبعدها تقدر تشتري و تتعامل معاه عادي … لازم تقرا جزء منها حتي علشان تعرف نقط القوة و الضعف في البائع 

احسن المواقع : “aliexpress – ebay”
dhgate معرفش نظامها في حتة الريفند و كدة يعني

– افضل المجالات اللي شغال فيها المبيعات بشكل ممتاز ؟

– Dogs الكلاب
– cats القطط
– fishing صيد الاسماك
– hunting صيد الحيوانات البرية
– outdoor السفاري تقريبا
– camping التخييم و ادوات المعسكرات
– gun “us only” مجال الاسلحة النارية لامريكا فقط
– survival ادوات المساعدة في البقاء حيا
– work تيشرتات مكتوب عليها اسم العمل
مثلا : I’m a doctor

– الحد الاقصي لمدة الشحن ؟

يفضل ان الشحن لا يزيد عن 3 اسابيع ابدا حتي يشتري الزائر

– في حالة اني عايز اشتري كمية كبيرة بسعر ارخص .. اعمل ايه ؟

نروح لموقع علي بابا .. اقل كمية 500 قطعة .. تقدر تتواصل مع البائع و تفاصل 

– ازاي اقدر اعرف ان المنتج وصل للمشتري او لا ؟

من خلال رقم الشحن “tracking ship number”

– تسعير المنتج .. كيف يتم و اين اجد الاسعار ؟

يتم عن طريق البحث عن اسعار المنتجات في المواقع .. نجد الاسعار في
www.watchcount.com
https://wanelo.com/

– بوابة الدفع او ما تسمي بال payment gateway ؟

يتم استخدام “2checkout”

– في حالة اني عايز اجيب شركات شحن علشان اشحن منتجاتي الخاصة اعمل ايه ؟

بتكون اسعارها غالية .. و بتكون زي “rakuten
– حتة من عندي .. ازاي تقدر تزود المبيعات بشكل جنوني بدون التدخل ؟؟؟؟ .. استراتيجيات حلوة ان شاء الله هتعجبكم 

الافكار كتير .. نبتدي بسم الله

– اعمل منتج شحن مجاني و دفعه تمن المنتج و الشحن و مكسب بسيط علشان تعمل براندنج و قوله عايز رايك الصادق في المنتج و الشحن .. و ممكن تديله كوبون خصم مقابل دا .. الريفيوهات قوة كبيرة بتزود المبيعات جامد اوي

– اعمل سب دومين و يكون خاص بخصم تنزله يوم واحد في اسبوع .. 50% علي كل المنتجات

– اعمل قائمة بريدية “سجل الان و اشتري اي منتج بخصم 30% .. مدة الكوبون اسبوع” تنتهي مدة التسجيل بعد 24 ساعة 

– ركب البكسل كود بتاع الفيس بوك في كل حتة علشان تقدر تستهدف الناس اللي مهتمة وكمان الناس اللي زيهم .. بدل ما تقعد تستهدف كل مرة .. البكسل كود مهم جدا جدا جدا جدا جدا

– اعمل حتة “اشتري قطعتين و الثالثة هدية” .. هتزود مبيعاتك جامد

– يا سلام لو عملت فيديو فتح لمحتويات المنتج و شرحت كل حاجة تخص المنتج في الفيديو .. هيكون افضل بكتير .. بيكون اسمه بالانجلش “unboxing”

– لازم توثق نفسك كبراند مع جوجل و فيس علشان لو عينت افيليت ما يكونش اللينك اسبام زي ما شركة نمشي عملت .. لازم تحافظ علي الرابط بتاعك و تخليه ما يقعش ابدا .. علشان لو حيبت تعلن مباشرة عن خاتم او منتجات عموما مالهاش شرح اوي  .. و علشان تسهل علي الافيليت

– اشتغل مع الافيليت .. في شركة اسمها “shareasale.com” قالي عليها محمد علي و قالي ان اقل ميزانية تدفع 600$ و بعدها تقدر تعين الافيليت بدون تدخل منك 

– ممكن تدرب اصحابك مجانا علي الافيليت و يشتغلوا معاك .. و كمان تساعدهم في الاول بمبلغ صغير لحد ما يقوم و يساعدك .. في ناس هتهرب و تشتغل في حتت تانية .. لكن انت عامل بونص مش متوفر في اغلب الشركات و كمان تعمل دعم فني كامل لحد ما يجيب معاك اول 1000$ 

الفكرة اللي جاية دي من عندي .. اولا اشتغل بمجهودك .. و اعمل تحويلات .. و خلي الاستور ناجح جدا .. و بعدها عين الافيليت .. و اعمل دخل سلبي .. يعني تجيلك الفلوس بدون تدخلك و تجيلك حتي و انت نايم .. و انت بتعين الافيليت .. دلعه .. انت عارف مثلا انه علي 1000 مبيعة علي منتج معين هيدخلك مثلا 5000$ ربح صافي .. و هوا ليه عموله 30% من اجمالي سعر المنتج مش من صافي الربح .. يعني هاخد مثلا 1000$ .. ايه المشكلة تجيي تقول له اني هديك بونص او هدية موبايل ايفون 7 و كمان تديه العمولة كاملة .. يعني هوا خد 1700$ وانت اخدت الباقي من غير ما تدخل انت .. البونص دا هيفرق جامد .. مثلا الراجل دخلك 200 الف دولار .. يبقي ليك بونص عربية او ما يعادلها بالفلوس .. و خلي بالك .. اعمل الهدية لكل واحد موجود .. مش شطارة انك تعمل البونص للاول و بس .. اعملها لكله علشان الكل يشتغل .. و اعلي واحد عندك يبقي ليه مكافئتين .. ما تتخيلش حجم المبيعات اللي هتجيلك  .. و كل دا و انت نايم .. البيزنس مودل دا ممكن يطبق في اي بزنس خلقه ربنا علي وش الارض .. بس خلي بالك .. لو كذبت .. هتقع و قعة حلوة .. و مش بعيد يعملوا براند اتاك عليك ..احذر غضب المسوق 

و في النهاية يشكر دماغي العبقرية علي الافكار اللوز دي هههههههههههه شكرا شكرا شكرا .. انا عارف طول عمري حريف هههههههههههههههههه

في النهاية بشكر الباشا الكبير اوي اوي محمد علي عقل .. و بصراحة انا مش عارف هوا اتحمل اسئلتي ازاي .. يا جدع دا انا لو مكانك هطلع من هدومي هههههههههه .. بجد شكرا ليك و ربنا يوفقك و يجعله في ميزان حسناتك .. انت فعلا انسان محترم و خلوق و صبور جدا 


مؤتمر الافيليت العرب 2016
هارون القرشي

محاضرة البرنس الكبير هارون القرشي برنس “الامازون اف بي ايه” في مؤتمر الافيليت العرب 2016
Amazon FBA Big Boss .. Thank you so much
Haroon Qureshi

https://www.facebook.com/Arabaffiliatesummit16/videos/899838103480198/

محاضرة هارون في مؤتمر الافيليت العرب 2016 كانت بتتكلم عن جزء مهم جدا و هوا انك ازاي تقدر تعمل اول 7 ارقام في حياتك من امازون اف بي ايه

رجاء خاص .. لازم تقروا محاضرة محمد علي عقل لان الاتنين بيكملوا بعض بشكل كامل

يا جماعة جزء التسويق اللي يخليك تجيب مش 7 ارقام .. ممكن تجيب ارقام مهولة اكبر من كدة .. هتلاقوها فوق في شوبيفاي .. اقروا الجزئية دي كويس جدا .. اللي هيستغلها بجد هيبقي برنس محدش يقعد يقول دا مستحيل اننا نعمل 7 ارقام .. انت مالكش حدود .. مبدايا العامل النفسي بيتدخل هنا بشكل كبير .. اللي عايز يكسر اي عائق يقرا محاضرة المهندس هشام الجمال فوق

يا عم هوا ايه امازون اف بي ايه دا ؟

Amazon FBA = Fulfillment by Amazon
With Fulfillment by Amazon (FBA), you store your products in Amazon’s fulfillment centers, and we pick, pack, ship, and provide customer service for these products. … Your products are eligible for Amazon Prime FREE Two-Day Shipping, FREE Shipping, and other benefits.

https://services.amazon.com/fulfillment-by-ama…/benefits.htm
https://www.youtube.com/user/FulfillmentbyAmazon

امازون اف بي ايه دا بيكون عبارة عن خدمة بتقدمهالك امازون لو انت عندك منتج او لو حتي هتشتري منتج من علي بابا .. بتخلي علي بابا يشحنوا المنتج لامازون .. و امازون بتتكفل بشحن المنتج و الدعم الفني و الحاجات التانية اللي بتطلب منك لما تكون مالك للمنتج.

دلوقتي حضرتك عايز تعمل اول مليون دولار ليك .. هتتعمل ازاي ؟؟؟؟؟؟؟ انا اقولك يا سيدي .. .. لو المنتج بيجيب لك 20$ .. هنقسم المليون دولار علي ال 20 دولار هيساوي 50 الف مبيعة في السنة .. يعني في اليوم تقريبا 140 مبيعة .. طيب ايه المشكلة انك تشتغل في 7 منتجات .. و كل منتج تحقق منه 20 مبيعة في اليوم ؟؟؟؟؟؟؟؟؟ .. كدة اعتقد انها بقت اسهل  …… هتقولي مستحيل اعمل الرقم دا .. هقولك ليه .. ما تتفق مع افيليت و في افكار كتير شوفها في الجزء الخاص بمحمد علي عقل 

طيب احنا دلوقتي عرفنا نقسم الصخرة الكبيرة لطوب صغير علشان نبني الهدف اللي احنا عايزينه ..

=> fiinding a hot selling product
يعني ازاي تلاقي المنتجات اللي بتتباع زي الصاروخ
طبعا ف المثل دا احنا بنشتري بضاعة من علي بابا و اقل عدد قطع 500 قطعة و لو عايز تشتري اقل ممكن تروح لعلي اكسبريس .. كل اللي هتعمله هتروح لعمك جوجل و تكتب

top selling alibaba products
https://www.alibaba.com/showroom/best-selling-products.html

top selling products on aliexpress
http://bestselling.aliexpress.com/en

من الاخر المواقع دي نفسها بتقولك علي المنتجات اللي بتتباع فعلا .. علي بابا متجر جملة يعني لما تشتري عدد كبير بيكون مكسب التاجر اقل لانك واخد كمية .. لكن لما تشتري من علي اكسبريس مكسب التاجر اكبر .. لانك بتشتري قطعة مثلا .. فبينفع اكتر في شغل الدروب شيبينج و تم شرحه فوق و ممكن تتفاوض مهاه لو هتاخد مثلا 50 او 100 قطعة .. انت و شطارتك 

– private label potential

يعني المنتج يكون بدون لوجوهات اطلاقا .. يعني ما يكونش عليها لوجوهات لعلي بابا مثلا

– best seller rank 1 : 5000

يعني بنتعامل مع البائعين اللي ترتيبهم من اول واحد لحد 5000

– reviews 1: 500

يكون بردو عدد الاراء علي البائع من 1 : 500 .. هل هوا كويس و لا نظامه ايه

القاعدة .. انك تلاقي البائع مطلع بالميت 1000 طلبية و كمان عليه ريفيوهات و اراء من الناس كويسة .. لازم تقرا جزء منها حتي علشان تعرف نقط القوة و الضعف في البائع

– Alibaba to FBA

هتتفق مع البائع و ممكن تفاضل معاه في علي بابا و بعد ما تتفقوا .. تخليه يشحن البضاعة علي امازون اف بي ايه

=> create listing

الجزء دا خاص بانشاء صفحة المنتج في امازون

– title
العنوان

– bullet points
اللي هي النقاط بتشرح مميزات المنتج

– Images
صور واضحة للمنتج من جميع الزوايا و يا سلام لو عملت فيديو فتح لمحتويات المنتج و شرحت كل حاجة تخص المنتج في الفيديو .. هيكون افضل بكتير
بيكون اسمه بالانجلش “unboxing”

=> launch listing
خاصة بانك تطلع المنتج للنور او للجمهور بمعني اصح

– coupon launch – get reviews
ممكن تدي كوبونات خصم للزوار و تقوله عايز رايك الصادق طبعا في المنتج و الشحن علشان كل ما كانت الريفيوهات كتير و صادقة .. دا هيزود مبيعاتك اكيد

– amazon ads

موخرا عرفت ان امازون فيها اعلانات اسمه “amazon ppc” ببساطة مل اللي اعرفه عنه لما الزائر بيبحث في امازون عن منتج معين بتظهر له انت في اوائل نتائج البحث علشان انت دافع فلوس في الاعلان

– reduce price

يعني ىقلل التمن و بيع اكتر .. مثلا بدل ما تبيع ب 10$ و تجيب 100 مبيعة .. بيع ب 7$ و هات 5000 مبيعة .. و كدة انت هتكسب اكتر 

– social media signals

لازم يكون ليك براند علي مواقع التواصل الاجتماعي زي الفيس و تويتر و بنتريست ….. الخ .. المهم تكون متفاعل مع الناس .. وبترد علي استفسارتهم .. لان ممكن واحد يسالك علشان هيدخل يشتري … لازم يكون اراء الناس علي منتجك كويسة و تعرف اسباب الاراء السيئة لانها ممكن تغير و تعدل علي حاجات في البراند بتاعك للاحسن .. ما تردش علي العملاء باسلوب وحش وتعمل زي الاطفال لو حد شتمك او قال ن المنتج زي الزفت .. لان دا بيزنس و في المجال دا فعلا لازم يكون “الزبون علي حق”

و في النهاية بنشكر هارون القرشي علي المحاضرة الرئعة دي في مؤتمر الافيليت العرب 2016

نصحتي انك تقرا كل اللي فات حتي لو مش مهتم بقسم معين .. لانها في الاخر مجموعة غرف في شقة واحدة .. كلها الطرق هتفيدك لو انت شغال في اي شغل تبع التسويق و البيزنس الاون لاين بشكل عام .. نصحتي انك تشوف المحاضرات التحفيزية علشان تكسر حتة “انا مقدرش” .. عافر و اتعب لحد ما ان شاء الله توصل … اقوي محاضرتين في مجال ال ecommerce هما محمد علي عقل و هارون القرشي انصح كل واحد نفسه يشتغل شوبيفاي او امازون يقراهم عليهم بالكامل .. و بعتذر عن اي خطا لغوي او نسيان او لو غلطت في معلومة و ان شاء الله دي حاجة مستبعدة لان انا ان شاء الله متاكد من معلوماتي  .. اقروا المقالة كلها .. و ربنا يوفقكم 

المصدر : محمد مهند ” Cairo Best Ever “

Matrix219

• هذا الحساب هو للتدوبن العام, فلقد قمنا بتضمين العديد من التدوينات من الأرشيف بدون ذكر إسم المدون ولقد اضطررنا لذلك نظرآ لتحديثات في قاعدة البيانات.
• قام بالمشاركة في التدوين العديد من مدونين ماتريكس ومنهم:
• أبو يوسف المصري • أحمد هارون • يونس المغربي • وليد محمد • عمرو اسماعيل • عمرو المحمدي

تعليقات 3

انقر هنا لإضافة تعليق

اترك رد