[مشاري راشد]
ألبوم بالمصري ، هو ألبوم إنشادي جميل للقارئ الشيخ مشاري راشد العفاسي ، إجتماعي ديني باللغة العامية ، ينشد فيها الشيخ مشاري ألحان وكلمات مصرية لأكبر شعراء مصريين ، وبعض الأناشيد من تلحينه الخاص ، ليمتع الوطن العربي بأكلمه بأعذب الألحان والكلمات . وخلال شهر رمضان 2017 نشارك معكم تفاصيل البوم بالمصري.
تفاصيل ألبوم بالمصري للشيخ مشاري راشد :
كما تشاهدون في الصورة الألبوم يحتوي على 12 أنشودة ، هم بترتيب الألبوم “ أول كلامي ، قابلني صدفة ، خير الصباح ، صلي على النبي ، يوم جمعة ، بنتي ، حقيقة ، بيوت كتير ، اسم النبي ، اوعديني ، غمض عينيك ، آخر كلام النبي ” .
شارك في هذا العمل من الشعراء ” الشاعر الكبير بهاء الدين محمد ، الشاعر أحمد مرزوق ، الشاعر عجلان ثابت ، الشاعر أحمد شاكر ، الشاعر أيمن بهجت قمر ، الشاعر مؤمن سالم ، د.محمود طلعت ” .
وشارك في هذا العمل من الملحنين والموزعين ” الملحن محمد رحيم ، الملحن وليد سعد ، والملحن أحمد سعيد ، والشيخ مشاري راشد العفاسي ” ومن الموزيعين الموسيقيين ” الموزع مصطفى قاسم بالتقاسم مع الموزع الموسيقي أحمد سعيد ” .
كلمات أنشودة أول كلامي :
اول كلامي هاجر المصرية
ام اسماعيل زوجة ابو الانبية
تاني كلامي ماريا القبطية
ام الولاد زوجة خير البرية
الف ماشالله محروسة والله
كده يام تاريخ البشرية
تالت كلامي في مصر الابية
دي من بهاها سموها بهية
في وصفها والله لو كان عليا
كيف ابن مالك اكتب الالفية
مصر يا ياجميلة روح وصورة
مصر يا يا كنانة يا منصورة
مصر يا جوة الكتاب مذكورة
ادي نهر النيل علي ارضها ساجد
ويا العباد اللي جوه المساجد
بدعي لها وربي سامع وشاهد
يحميها من عين الحسود الحاسد
من نيلها اللي بيشرب يعاود
وف اهلها كرم لكل وافد
يسر يارب لأهلها وساعد
عليك ياربي ادراك المقاصد
مشاري راشد العفاسي – أول كلامي
كلمات : أحمد مرزوق
ألحان : محمد رحيم
توزيع : مصطفى قاسم – أحمد سعيد
المقام : نهاوند
ألبوم مشاري راشد بالمصري 2017م
كلمات أنشودة قابلني صدفة :
قابلني صدفه .. بعد التحيه والسلام
سألني واتكلم وطول في الكلام
و رغم اعتراضي على اللي قاله
فضلت ساكت مبتسم وانا بأسمعه بكل إهتمام
ورغم إحتياجه للإجابه والنصيحه
وطلب تكون إجاباتي ونصايحي صريحه
ورغم ان عندي الرد ع اللي سألني فيه
ما اداش لنفسه فرصه يسمع حقوله ايه
مالحقش حتى لساني ينطق كلمتين
لسه ح أبدأ قاطعني خلا كلامي يرجع
هو دا الخطأ اللي فينا ياطيبين
بنعرف نقول .. بس ما بنعرفش نسمع !
مشاري راشد العفاسي – قابلني صدفة
كلمات : بهاء الدين محمد
ألحان : وليد سعد
توزيع : مصطفى قاسم – احمد سعيد
المقام : كرد
ألبوم مشاري راشد بالمصري 2017م
كلمات أنشودة : خير الصباح
يا صباحَ الخيرِ يا خيرَ الصباحْ
يا صباحَ الأمنياتِ الـمُـورِقاتْ يا عصافيرًا تزفُّ السقسقاتْ
يا أغاريدًا سعيدةْ يا بداياتٍ جديدةْ
ذقتُ شمسًا مِن رؤاكَ الـمُشرِقاتْ
*****
توقِظُ الأحلامَ فينا للنجاحْ ثم تُغرينا بباقاتِ السماحْ
اِنتعاشُ الأرضِ فاحْ وعناءُ الأمسِ راحْ
فصباحَ الخيرِ يا خيرَ الصباحْ
مشاري راشد العفاسي – خير الصباح
كلمات : عجلان ثابت – احمد شاكر
ألحان : أحمد سعيد
توزيع : مصطفى قاسم
المقام : عجم
ألبوم مشاري راشد بالمصري 2017م
كلمات أنشودة صلي على النبي :
صل صل ع النبي صل ع النبي واهدا
صل صل ع النبي صل ع النبي وروق
واضحك في وش الناس خلي الكلام متذوق
صل ع النبي صلح بينك وبين اللي مخاصمه
واياك تخون العيش والملح مع اللي في اللقمة تقاسمه
صل ع النبي تفلح صل ع النبي تفرح
ذكر النبي بيفوق ذكر النبي بيفوق
صل ع النبي وسامح صل ع النبي وحب
وداو جرح امبارح بالحب قبل الطب
صل ع النبي وفوت صل ع النبي وعدي
صل ع النبي قلبك يشيل زيادة ويقضي
مشاري راشد العفاسي – صل ع النبي
كلمات : أيمن بهجت قمر
ألحان : مشاري العفاسي – مصطفى جاد
توزيع : مصطفى قاسم – احمد سعيد
المقام : عجم – كرد – بياتي – حجاز
ألبوم مشاري راشد بالمصري 2017م
كلمات أنشودة يوم جمعة :
أنا كل يوم جمعه .. باتمشا للجامع ومعايه جار دايما يقابلني ف الشارع
إنسان بسيط طيب .. بيقول كلام طيب وبعد ما نصلي .. يصاحبني وأنا راجع
وف يوم ماجاش صلى .. ماجاش ماقابلتهوش وفضلت أدور ف الملامح والوشوش
وبعد ماصليت ونا ف الطريق للبيت فجأه كده حسيت إني قلقت عليه
دخلت شارع بيته وسألت جاره عليه لقيته مايعرفوش لكنه كتر خيره ساعدني أوصل ليه
دخلت لقيته نايم .. مريض عايش لوحده وعشان بيحبه ربه .. سخرني عشان أساعده
جاره وقف ع الباب .. واضح إنه إتكسف قاله إتفضل .. دخل .. حزين ف عينيه أسف
قدمله إعتذاره .. وإطمنا عليه وانا ماشي وعدني جاره إنه ح يهتم بيه
شكرته .. إعتذرلي .. وشكرني إني جيت آتاري جاره كان .. ساكن في نفس البيت !!
عايشين في بيت واحد والباب قصاد الباب !! جمعتهم الأقدار .. لكنهم أغراب !!!
مشاري راشد العفاسي – يوم جمعة
كلمات : بهاء الدين محمد
ألحان : وليد سعد
توزيع : مصطفى قاسم – احمد سعيد
المقام : بياتي
ألبوم مشاري راشد بالمصري 2017م
كلمات أنشودة بنتي :
ماشيه جنبي مركزه خايفه عليا
محسساني انها مسئولة عني
مخلوقة بنتي حنينه جدا عليا
عايزاني دايما جنبها .. ماهي حته منى !
بنتي حبيبتي ماتخفيش ربك معايا
عمري بإذن الله ما هنساكي ف دعايا
دانتي امانه لربنا وموجوده عندي ..
وصاني سيدنا محمد
اني ارحم فيكي ضعفك
واني احسن من صفاتك
ربي كرمني بوجودك
بأفرح قوي لحظة سجودك
وانتي بتحاولى ف صلاتك
مخلوقة بنتي حنينه جدا عليا
عايزاني دايما جنبها .. ماهي نور عنيا !
لحظة رجوعي البيت بتبقى مش عادية
قبل اما بدخل تجري وتكوني قصادي
رغم اني حاسك نقطة الضعف اللي فيا
بتحسسيني اني انا مش اب عادي
ولو الولد هو السند
والعزوة والذكرى الباقية
فأنت الحنان وصمام أمان
م النار وسكتي للجنة
مخلوقة بنتي حنينه جدا عليا
عايزاني دايما جنبها .. ماهي نور عنيا !
مشاري راشد العفاسي – بنتي
كلمات : أحمد شاكر
ألحان : أحمد سعيد
توزيع : مصطفى قاسم
المقام : كـــرد – حجاز – عجــم
ألبوم مشاري راشد بالمصري 2017م
كلمات أنشودة حقيقة :
مكان رجلك لو إتكلم هيحلفلك
محدش عدا ع الدنيا وخد منها
وقبلك ياما قالو هنبقى اسيادها
وزي ما شفنا دخلو وطلعو خادمينها
هتمشي مش هتصلح فيها . مش هتضيف
ومهما هتمتلك فيها . هتفضل ضيف
مفيش إلا قوي واحد . وكله ضعيف
حقيقه . للي ناسيينها !!
محدش فينا معصوم من مفاتنها
ولولا الستر مش هنطيق نبص لبعض
بنمسك فيها ليه لما احنا عارفينها
ولا دامت ولا هتدوم ف مره لحد !!
هتمشي مش هتصلح فيها . مش هتضيف
ومهما هتمتلك فيها . هتفضل ضيف
مفيش إلا قوي واحد . وكله ضعيف
حقيقه . للي ناسيينها !!
مشاري راشد العفاسي – حقيقة
كلمات : مؤمن سالم
ألحان : مشاري راشد العفاسي
توزيع : مصطفى قاسم – احمد سعيد
المقام : بياتي – حسيني
ألبوم مشاري راشد بالمصري 2017م
كلمات أنشودة بيوت كتير :
بيوت كتيره بتتهدم
أطفال كتيره بتتحرم
م الأب أو م الأم
وبأضعف الأسباب وفجأه
تصدم الطفل المفاجأه
ولا يعترض ع الظلم
ف دقايق كام عشره بتخلص
وتهون والبيت يفضا وينقص
ولا حد بقى يهتم
ولا دمعة طفل بقت توجع
يستنا الغايب ولا يرجع
وينام ف حضنه الهم
إزاي بيحكمنا الغضب ؟ !
على غفله وبأهون سبب
الهجر يبقى الحل
الأسرة بذرة مجتمع
تضعف تهز المجتمع
يدفع تمنها الكل
مشاري راشد العفاسي – بيوت كتير
كلمات : بهاء الدين محمد
ألحان : وليد سعد
توزيع : مصطفى قاسم – احمد سعيد
المقام : كرد
ألبوم مشاري راشد بالمصري 2017م
كلمات أنشودة اسم النبي :
لما نسمع إسم النبي .. لازم نصلي عليه اللهم صل عليه
لما تيجي سيرة النبي نبدأها بالصلاة عليه اللهم صل عليه
إسم النبي اللي دعا لينا وادعوا ف الجنه يصلي بينا
صلوا عليه الخير يجينا اللهم صل عليه
صلوا على اللي ح يشفع فينا لما بنصلي على نبينا
بيصلي بيها الله علينا اللهم صل عليه
مشاري راشد العفاسي – اسم النبي ﷺ
كلمات : بهاء الدين محمد
ألحان : وليد سعد
توزيع : مصطفى قاسم – أحمد سعيد
المقام : كرد
ألبوم مشاري راشد بالمصري 2017م
كلمات أنشودة أوعديني :
اوعديني تعلميهم كل حاجه حلوه فيكي
ولو ف يوم قصرت فيكم كمليني بالرضا
اوعديني ياخدو اخلاقك عشان بتباهى بيكي
ويطلعو ذريه صالحه يزرعو الخير ف الحياه
كبريهم ع الامانه . عوديهم ع الصلاه
عرفيهم ان العطاء . من صفات المحسنين
علميهم صبرنا . والرضا في الابتلاء
والسعاده اللي ف قلوبنا في حب رب العالمين
كلميهم عن رسولنا . واحكي اخلاقه الحميده
عن صراحته وعن سماحته . والتواضع والامانه
وان طاعة ربنا . هي دي الراحه الوحيده
وان بر الوالدين جنه والمفتاح رضانا
مشاري راشد العفاسي – اوعديني
كلمات : مؤمن سالم
ألحان : مشاري راشد العفاسي
توزيع : مصطفى قاسم – احمد سعيد
المقام : كرد
ألبوم مشاري راشد بالمصري 2017م
كلمات أنشودة غمض عينيك :
اللي يقول غمض عينيك وامشي معايه وشوف بعينيا قوله .. وقت الخطر
ح تخاف على مين ؟ على نفسك والا عليا ؟ !!
ما حدش بإيده حاجه .. صدقني مهما عمل
لا بيقصر طريقه ولا بيحقق أمل
إعمل نفسك بنفسك وماحدش يعملك
واما الأيام تنافسك أحسن ماتهملك
المختصر المفيد .. ماحدش م العباد
بيقرب شيئ بعيد .. كله بأمر ومعاد
لو حتى رزقك يقل .. لو حتى سابح ف هم
ماتشوفش نفسك أقل .. ماتشوفش غيرك أهم
مشاري راشد العفاسي – غمض عينيك
كلمات : بهاء الدين محمد
ألحان : وليد سعد
توزيع : مصطفى قاسم – احمد سعيد
المقام : راست – كرد
ألبوم مشاري راشد بالمصري 2017م
كلمات أنشودة آخر كلام النبي :
لا أخشى عليكم فقرا أبدا من بعدى
لكنى أخشى عليكم من تيه الدنيا
من لزم صلاتى فلن يشعر حقا بُعدى
بنساء الأمة أوصيكم دوما خيرا
بعدين دعالنا
على منبره
بين الصحابة قبل موته وقالهم
عن عبد بينهم كان اختياره إنو يلقى ربهم
أبو بكر فكر ف الكلام
عرف إن ده آخر لقا
لانه كان خل النبي فهم النبي وقوام بكى
بعد الكلام ده ف بيته فاطمة تكلمه
فيقولها مني حبيبتى قربى
ويقول كلامه ف ودنها
تبكى عليه من قلبها
فيقولها مني حبيبتى قربى
ويقول كلامه ف ودنها
تضحك أوى من قلبها
أتاريه ف أول مرة كان بيقولها
إنه خلاص قرب يموت
في التانية طمن قلبها
راح تبقى أول حد بعدي كمان يموت
طلب إن كل الناس تغيب
إلا حبيبته عائشة
نامت دماغه فحضنها
بعد أما شاور للسما
طمن حبيبته وقالها
عند الرفيق الأعلى أنا
بكى الصحابة بأعلى صوت
أبو بكر صاحبه قالهم
مين كان بيعبد صاحبى مات
والله حي لا يموت
يارب صل على النبي وسلم عليه
خلي دعايا ولهفتي ليه يوصلوا
كان نفسي اقوله بحبه فعلاً قد ايه
وازاي دموعي ان جابوا سيرته بينزلوا
مشاري راشد العفاسي – آخر كلام النبي ﷺ
كلمات : د. محمود طلعت
ألحان : أحمد سعيد
توزيع : مصطفى قاسم
المقام : كرد – بياتي – صبا – عجم – نهاوند
ألبوم مشاري راشد بالمصري 2017م