مين بطل المبيعات الاون لاين ؟ بات مان و لا سوبر مان ؟ الSEO و لا جوجل ادورد !!!
بات مان عامل زى ال SEO كده | قعد يتدرب و يشتغل على نفسه و يعدل كل شويه فى معلوماته عشان يبقى جامد و اجمد واحد فى جوثام ( او فى الكلمه الاساسيه بتاعتك ) و قعد يطلع و يتشهر واحده واحده لحد ما بقى اهم واحد فى المدينه كلها (الى هو جوجل يعنى )
اما سوبر مان عامل زي Google Adwords من كوكب تانى بقدرات خارقه مش محتاج لكل ده و لا اتعلم اى رياضه. هو كده بقدراته على طول. فبقى عامل زى المعلن على جوجل ادورد طالع اول نتيجه فى ثانيه مش محتاج اى مجهود لانه معاه فلوس حطها ميزانيه اعلانية.
“ده نفس الفرق بين طريقتين التعامل مع اقوى وسيله سريعه لتحقيق المبيعات “
غالبا اصحاب البيزنس فى مصر مش بيهتمو اوى بفكر البراندنج و اللويالتى من العملاء و خلافه بيهتمو اكتر بفكره المبيعات و تحقيق مبيعات سريعه. طبعا على اى مقياس على المدى الطويل البراندنج يكسب و بيحقق مبيعات افضل و احسن مع الوقت لكن فى مؤسسات و شركات بتتحتاج مبيعات شبه ثايته عشان تقدر تثبت نفسها.
و جوجل هو بطل المبيعات السريعه .
ازاى تقدر تكسب فلوس سريعه من جوجل:
باتمان ضد سوبرمان
بص يا سيدى قدامك طريقتين
اول حاجه فى حاله ان مافيش منافسه اعلانيه على كلماتك الاساسيه
يعنى مثلا انت عندك معرض سيارات او مدرسه
و كلمات زى سيارات قسط – ارخص فيرنا
او احسن مدرسه فى المعادى – مدرسه لغات فى التجمع
كلمات فاضيه محدش بينافس بيها على جوجل و بيعمل اعلان
يبقى افضلك تستخدم خدمه ال SEO
دى عباره عن ان حد يكون فاهم كويس جدا جوجل بيقيم المواقع ازاى و ازاى بيحدد تقييم المواقع و مين بيطلع فى اول نتيجه و مين التانى
طبعا ده حاجه مش بسيطه لو عرفت ان اول 3 نتايج بياخدو 95% من اجمالى الزيارات يعنى مثلا لو فى 1000 واحد بيدورو على رحله سياحه فى فرنسا و انت بتقدم الخدمه دى 950 منهم هايروحو لاول 3 مواقع
طيب و انت ؟
لا انت معاك ربنا بقى 🙂
فلو انت صاحب اول مركز فى جوجل فى كلمات فاضيه لخدماتك هاتاخد 60% من الزيارات كلها
يعنى لو 1000 واحد بيدور على رحلاتك السياحيه
600 هايجولك انت 🙂
شوف بقى حققت مبيعات قد ايه فى وقت صغير ازاى
طيب لو انت م بتحب بات مان و لا الSEO و عايز تطلع اول واحد من غير متاخد وقت و تشترى دماغك
لا جوجل هايقولك ادفع بقى و لا هى سهله يعنى 🙂
وقتها هاتعلن بفلوس عن خدمات
ده الحل التانى بس طبعا لو فى منافسه اعلانيه اصلا على كلماتك الاساسيه ( غالبا بيكون فى )
مثلا انت شركه عقارات او بورصه و فوركس او بتقدم برمجيات محاسبيه هتلاقى دايما ان اول 3 نتايج ( هايبقو 4 قريب) كلهم اعلانات مدفوعه و الباقى اورجانيك
متنساش اننا قلنا ان اول 3 نتايج بتاخد 95% من الزيارات يعنى لو فى منافسه اعلانيه على كلماتك الاساسيه غالبا كل الاورجانيك مات خلاص
فقدامك طريقتين عشان تحقق المبيعات الى انت عايزها بسرعه على جوجل
فانت تحب تبقى مين ؟
باتمان ضد سوبرمان بطل الSeo و لا بطل ال Adword
منقول عن : Sawa4